Ost- og skinkesnurrar

500 gram kaldt vatn
500 gram kald h-melk
200 gram bakeklar surdeigsstartar
1200 gram sikta kveitemjøl
200 gram sammalt kveitemjøl, finmalt
100 gram romtemperert smør i terningar
20 gram salt

Anbefalar å bruke kjøkkenmaskin til denne oppskrifta, for pizzasnurrane blir best om du får elta ei god stund. 

Ha vatn, melk og surdeigsstartar i ein bakebolle. Bland dette saman før du har i mjøl og eltar til deigen er smidig (minimum 10 minutt). Tilsett så smøret og elt dette godt inn i deigen. La deigen heve i romtemperatur i 8-12 timar før du skal bake ut. Kjevle deigen som om du skulle lage kanelsnurrar og ha ketchup/tomatsaus, ost, valgfritt kjøtt (eg har brukt smårettskinke her, du kan godt bruke stekt kjøttdeig, salami eller spekeskinke) og krydder over, før du rullar saman og deler opp snurrane og legg dei på bakebrett med bakepapir.

Etterhev i 1-2 timar før du steiker bollane på 225 grader over- og undervarme i 10-12 minutt (eller lengre alt etter kor store dei er). Avkjøl på rist og nyt! 

Perfekte i matpakka på skulen, på fjelltur eller biltur!